Prize Bonds ke baare me
Prize bond kya hai?
Prize bond Government of Pakistan ka bearer investment instrument hai jo National Savings jari karta hai. Is par koi munafa ya sood nahi milta — har draw me kuch bonds qura andazi se muntakhab ho kar inaam jeet lete hain. Bond ki asal qeemat hamesha mehfooz rehti hai; aap jab chahein usay wapas cash karwa sakte hain.
Kaunsi denominations mojood hain?
Rs. 100, Rs. 200, Rs. 750, Rs. 1,500 (bearer) aur Rs. 25,000 aur Rs. 40,000 (Premium, registered).
Draw kab hote hain?
Har denomination ka draw saal me chaar martaba hota hai. Aam tor par 15 tareekh ko (ya us se agla working day) aur premium bonds 10 tareekh ko. Poora saal ka schedule hamare Draw Schedule page par mojood hai.
Kya online prize bond khareede ja sakte hain?
Nahi. Prize bonds sirf National Savings Centres, SBP-BSC field offices aur authorized commercial banks se khareede ja sakte hain. Online "dealers" se ehtiyat karein.
Result check karna
Ek waqt me kitne numbers check ho sakte hain?
Advance Search me 500 random numbers, ya 2,000 tak ki continuous series. Numbers comma, space ya nayi line se alag karein.
Kitne purane results check ho sakte hain?
Pichhle 10 saal ke draws — har denomination aur har city ke. Draw dropdown me "Last 10 years" chun lein.
Kya ye service muft hai?
Result dekhna, search karna aur schedule dekhna hamesha muft hai. Sirf My Wallet — jahan aap ke bonds save ho kar khud-ba-khud check hote hain — ka package hai.
My Wallet
My Wallet kaam kaise karta hai?
Aap apne bond numbers ek baar save kar dete hain. Jab bhi hum nayi draw list add karte hain, system aap ke saare saved bonds ko khud check karta hai. Match hote hi aap ko email aur WhatsApp par alert chala jata hai — aap ko roz aa kar dekhne ki zarurat nahi.
Kya mere bond numbers kisi aur ko nazar aate hain?
Bilkul nahi. Aap ke saved numbers sirf aap ke account me nazar aate hain. Hum inhein kisi ke saath share nahi karte aur na hi bechte hain.
Kitna kharcha hai?
Pehla mahina free. Us ke baad PKR 100 mahana, PKR 1,000 saalana, ya PKR 3,000 lifetime.
Package expire ho jaye to kya hota hai?
Aap ke bonds mehfooz rehte hain aur match hona bhi jari rehta hai — lekin tafseel dekhne ke liye package dobara active karna hota hai.
Payment kaise karun?
Bank transfer, JazzCash ya EasyPaisa. App me screenshot upload karein, hamari team 24 ghante ke andar approve kar deti hai.
Claim aur tax
Kitne arse me claim karna zaroori hai?
Draw ki tareekh se 6 saal ke andar.
Tax kitna katta hai?
Filer 15%, non-filer 35%. Tafseel "How to Claim" page par mojood hai.